· Mellorouse a accesibilidade en Gandarío e O Pedrido.
· Ademais, xa están a traballar 11 dos 14 socorristas que o Concello tiña previsto contratar.
O Concello de Bergondo xa inaugurou oficialmente a tempada de verán nas súas praias, co inicio do contrato dos socorristas, a finalización de varias actuacións que permitirán dar máis servizos nos areais e o izado da bandeira azul da praia de Gandarío.
Así, no Pedrido e Gandarío realizáronse actuacións de mellora da accesibilidade. Ademais, ambos os areais contan con baños e están incluídos no catálogo de praias sen fume.
Doutra banda, xa están a traballar 11 dos 14 socorristas que o Concello tiña previsto contratar. Cubríronse as 8 prazas que ofertaba a administración local con fondos propios e, polo momento, quedaron desertas tres das 6 prazas subvencionadas pola Xunta de Galicia.
A alcaldesa de Bergondo, Alejandra Pérez Máquez agradece “o labor de Protección Civil de Bergondo para que se puidesen materializar en tempo e forma” e lembra que “na praias da Cabana e Ou Regueiro non hai este tipo de servizos pero, aínda así, son moi frecuentadas, sobre todo polos veciños e veciñas do municipio”.
